【逃犯條例】歌手何韻詩將抗爭向世界報告:全部掌聲都係俾香港人

歌手何韻詩在社交媒體表示,最近在國際層面介紹香港人的在反《逃犯條例》修例運動中抗爭理念。

「……十五分鐘嘅keynote主要係向世界講解香港人點樣用各種現存嘅工具,成功喺一個無領袖無大台嘅狀態下,大大力共同行咗70幾日。

「成功用英文講到L-I-H-K-G……台下觀眾好包容,好專心聽每一個細節,我感覺到,佢地真係好留意香港最近嘅事。

「其實一行出去已經好大掌聲……唔好誤會,我係無誤會㗎,我知道全部掌聲都係俾香港人,亦因此感到無比驕傲,因為全世界都為香港人過去兩個幾月而感到震撼、感動。

「最後我話,如果香港小小一個七百萬人嘅城市都可以走到呢度,其實世界上每個地方都可以。而我真心相信,我地確實喺度改變緊世界。

「未來兩個月將會繼續去五六個地方,將香港人嘅勇氣帶到各地觀眾面前,將我地嘅進程逐一向佢地講解。相信每個半個月講稿又要改寫更新,每次再重寫又係再將過去日子重新喺腦海重現一次。其實大家真係好叻、好叻。

「香港人,我地繼續加油。」

分享: