友人致電問嘉賓名單 容祖兒嬲豬:我先係主菜

容祖兒日前在紅館舉行第17場演唱會,當晚嘉賓是Supper Moment,祖兒在介紹嘉賓出場前,問觀眾是否已經準備好?叫大家不要吝嗇尖叫聲,祖兒說:「啲人日日打電話問我今晚有乜嘢嘉賓?乜啲嘉賓咁重要咩?而家嘉賓係主菜,定我先係主菜,豈有此理!哈哈,我話畀大家知,我今日唔畀主菜你哋食,直接畀個宵夜你哋嘆,準備好未?」接着Supper Moment升上台,觀眾馬上瘋狂歡呼,Sunny話:「永遠係香嘅主菜,容祖兒!」繼而在觀眾瘋狂歡呼聲中,合唱《幸福之歌》。

此外,在演唱會安歌部份發生了小插曲,正當祖兒行近台邊打算與觀眾傾偈握手的時候,突然見到有一位女觀眾狂哭,祖兒上前問:「做咩事呀,你乜事呀你?」有觀眾表示求緊婚,祖兒搞笑地說:「你仲乜事騎劫我個場求婚,但係點解咁突然?係咪突然間要結婚?發生咗乜嘢事?」不過女歌迷繼續喊爆,祖兒緩和氣氛地說:「畀我睇吓你隻戒子,睇吓大唔大隻先,都OK喎,快啲戴咗佢喇,唔好阻住呀!錫啖先喇,呢啲人好無恥呀,喺我個場製造浪漫同浪漫嘅氣氛,大家恭喜吓佢哋喇!」最後祖兒說:「我送番首《華麗邂逅》畀你哋,祝你哋永結同心,快啲生多幾個,恭喜晒!」

分享: