容祖兒願做代母 幫張敬軒生仔

容祖兒演唱會昨晚(21日)請來張敬軒(軒仔)擔任嘉賓,軒仔台上一番言論,搞到祖兒又喊又笑。祖兒最後更感動到自爆為了報答軒仔晚晚無條件照顧及付出,如果將來軒仔找不到女朋友幫他生仔,她願望做代母。

張敬軒擔任容祖兒演唱會嘉賓。

《容祖兒Pretty Crazy演唱會》昨晚舉行第16場,胡定欣、周柏豪、莊思明、江嘉敏、葉念琛、洪卓立等均有來捧場。祖兒唱完《特別嘉賓》後欺騙觀眾話:「你哋唔好以為每日都有嘉賓得㗎,我今日唱一首我好鍾意歌。」然後就唱《黃色大門》,唱到一半舞台升起,好友張敬軒(軒仔)登場,觀眾即起哄歡呼。兩人唱完《黃色大門》祖兒說:「各位觀眾!你今晚有福啦!」張敬軒就錫錫擁抱祖兒:「Good騷先。」祖兒:「呢個人真係唔話得, 我上來我哋多數奚落佢,整蠱佢。」軒仔笑謂:「你老老實實唔好亂講嘢呀。」

容祖兒與張敬軒、老闆楊受成及楊太合照。

祖兒透露軒仔曾大讚謝霆鋒好靚仔,之後更他與關智斌的緋聞擺上枱:「如果關智斌係靚仔,佢一定係最靚仔,哈哈哈…」講完自己笑不停,令觀眾都跟住狂笑起哄。軒仔頓時語塞,諗了一會先行返回來,反問:「你都講得啱,但為乜你唔講我嗰名呢?」祖兒回答:「咁你就係頂級絕世帥呆男,大家唔覺得咩?畀啲反應來聽吓。」觀眾即歡呼喝彩。軒仔就鞠躬多謝各位慈長人翁日行一善。祖兒繼續玩軒仔:「你知不知你靚係邊?你靚係個心到,哈哈哈。」軒仔唯有頂番佢轉頭:「咁啱嘅你都係呀!我覺得!」

容祖兒與粉絲自拍。

軒仔隨後從袋中抽出一張小咭片:「呢一張係我哋陪伴咗容祖兒咁多晚,佢後台身邊梳化服同事一齊簽畀你的一份小禮物。大家知唔知係佢呢副瘦削身驅、咁大條裙入面包住背後, 冇人睇到佢身上幾多傷,我有幸可以睇到。你平日着衫係『瀡』入去,好似啲馬路咁暢通。我係後台見到佢好少布嘅時侯……」祖兒馬上震驚問:「吓?乜你有入來咩?」軒仔笑說:「我耐唔耐會『裝』下,你唔好信啲嘢寫先得㗎,我會裝吓…」祖兒指軒仔無賴,軒仔就安慰祖兒:「算啦!睇完都唔知睇到乜。」觀眾也為了捧腹大笑。

張敬軒從袋中抽出一張小咭片送給容祖兒。

爆祖兒周身傷
軒仔再正經說:「大家留意吓,佢剩係腳範圍,每日貼膠布着演出高跟鞋,佢皮外傷、內傷… 今日開騷前仲去針灸同睇骨科。我喺台底十幾晚,我每晚都覺得容祖兒係值得所有最好踰嘢係佢身上發生。」觀眾即報以掌聲及歡呼聲。軒仔續說:「祖兒係騷前,好擔心好擔心唔可以將最好狀態帶上舞台到,佢怕自己令大家失望,佢不斷付出自己,佢真係搵命搏,我未見過一個artist,凌晨完騷喉嚨仲插住六枝針,就係為咗保証第二日有一個最好狀態見大家!」

張敬軒大讚容祖兒。

祖兒聽到忍不住流落,歌迷大叫祖兒唔好喊,軒仔就攬攬示意安慰,再繼續說:「我成日覺得佢無論生活當中,舞台上都係一個好榜樣。有一晚我同方文燕先生做佢耳機出咗少少判斷問題,我晚上打畀佢,佢竟然將問題罷係自己度:「係我今晚唱得唔好,係我問題。點解佢有咁好演唱會,咁好team,咁好嘅觀眾,大家明啦!」祖兒指軒仔的說話話溫情,又突然好嚴重話:「我諗過對佢最大報答,我諗過㗎。」軒仔說:「唔駛以身相許啦!」料不到祖兒不是說以身相許,而是爆出:「如果你需要一個人,將來識不到一個女朋友都好,我可以做代母。」張敬軒嚇一跳笑說:「咁我泰國搵得啦!」祖兒叉腰反問:「做咩依家好失禮你咩?我差啲咩?」軒仔一額汗說:「你啲基因侯… 都好好侯… 我覺得呢世珍惜做朋友緣份就夠㗎啦,咪第時我去你家屋,我應該叫你媽咪外母好定Auntie好?有單身男士,真係可以上ig留下言畀祖兒」祖兒回復說:「真係冇喎,唔知點解我創咗世界紀錄喎,一世都冇!」軒仔指她「乜嘢都有」,只是「差一主好人家」!

容祖兒被張敬軒搞到眼濕濕。

張敬軒變身「火龍果」
兩人其後合唱《櫻花樹下》,唱完觀眾無一捨得讓軒仔離開,不停叫安歌。軒仔於是說:「以往啲嘉賓唱上來兩首,同大家Say個Hi,兩梳蕉咁上來。我有啲唔同,既然大家咁熱情,我決定我今晚要表演一樣嘢,你台下Quick Change,我要做第一個台上表演Quick Change嘉賓!」接着大會關燈,讓軒仔換上一件區有火龍果的紅白色外套。現場燈亮,祖兒就即大叫:「Oh MyGod 好肉酸呀。重着埋我件T!人哋話娛樂圈養鬼仔我唔信呀,佢今日真係帶咗隻鬼仔上來。你係邊個,你咪樂壇妖孽同火龍果姐姐?好得人驚呀大佬。」

容祖兒同張敬軒合唱。

軒仔又叫祖兒禁佢人中,然後「火龍果姐」上身:「Hello,大家好嗎?大家有冇聽過我首《Pretty Hungry》,你哋今晚hun唔hungry,hungry就畀啲尖叫我聽。大家知唔知我來做咩 ,踩場呀!」觀眾瘋狂歡呼,祖兒說:「點呀?話晒今日個場係我,你第時開第時再算啦,唱未呀。」「火龍果姐」說:「人哋講我都唔信,啲樂壇前輩特別難搞。費事罰錢今晚歌就唱梗,我帶咗少少手信,就中秋有啲生果,係你櫈底!啲火龍果講明係唔食得,用來罷設,用來擇年!只要你有火龍果,你就要同我一齊唱同跳這呢首歌。送畀大家《Pretty Hungry》!」觀眾開心到飛起,不停搵櫈底,抽到火龍果的就不停揮舞。

「火龍果」姐姐登場!

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: