成日見面 容祖兒自揭與張智霖同居關係

容祖兒的《PRETTY CRAZY演唱會》踏入第14晚,每晚上台的嘉賓也叫人驚喜。這晚率先上台的是擅於棟篤笑的組合農夫,陸永和C君甫上台就說:「其實扮咩驚喜,大家一早知我地係今晚嘉賓啦……」C君更即時「耍冧」:「我作為你嘉賓,要同全場觀眾負責,好想講一聲:『對唔住,好抱歉。』你諗吓,大家之前睇個啲張學友、劉德華、古天樂,跟住今晚係農夫!你話點算呢真係……如果在座任何朋友想退飛,唔需要唔好意思,我自己都退咗,我睇到今晚嘉賓農夫,我幫你哋諗埋,你點面對睇之前個啲嘉賓啲觀眾,你諗吓一齊食飯,你朋友問,你嗰晚邊個嘉賓,人哋話張學友,你話農夫,幾難聽,兩個垃圾。」引得祖兒笑逐顏開。他們三人在台上先後合唱了《特別嘉賓》、《刻不容缓》和《舉高隻手》,氣氛甚佳。

到了演唱會中段,祖兒很風騷地說:「我想話畀大家聽,我好努力做咗十四場,明日我放假。今日阿姐好高興決定賣大包……」跟着她唱出《祝君好》,在觀眾沒有心理準備之下,張智霖(Chilam)突然升上台跟她合唱,此時觀眾驚喜萬分。

祖兒還自揭了一個她跟Chilam的秘密,「今日披露大家知一個秘密!你哋唔好同人講,我哋係同居關係……哈哈!不過,同居不同層!我哋住同一大廈,見得佢最多係停車場,同電梯,同舞台真係第一次!」之後Chilam再自爆一件事,,「我有個小秘密想話你知,我個仔撞到你幾次,佢好怕醜,你出咗電梯,佢就問我:『Who is she?』我答佢:『She is a diva!香港天后!』I’m proud of you!係緣份令我哋friend咗咁多。」氹得祖兒超開心,其後兩人再合唱一曲《歲月如歌》。

分享: