古天樂為容祖兒獻出第一次

 

男神古天樂(古仔)為老友容祖兒擔任演唱會嘉賓,破天荒首度現場獻唱《今期流行》,又跳又唱high爆全場。

古天樂擔任容祖兒演唱會嘉賓。

《容祖兒Pretty Crazy演唱會》第11場請來「最受歡迎男歌手」古天樂,古仔未出場,祖兒叫大家一齊估是誰:「呢位男神,全港冇人唔鐘意佢,佢由細到大都好錫我,佢曾經喺我演唱會擔任過一次演唱會嘉賓,今日想大家送份禮物畀呢位嘉賓,做下dancer ,一陣音樂起,適當時侯就記住一齊做呢個動作。」然後祖兒就跳起《今期流行》的「拜神舞」動作,全場萬多人即時瘋狂起哄。

古天樂首次現場演繹《今期流行》。

古仔破天荒第一次現場演釋這首歌,全場都非常激動,他一邊唱一邊跟觀眾握手,氣氛熱烈,整個紅館像被叫聲快要震裂一樣。祖兒說:「我第十一場表演嘉賓古天樂,真係癲倒眾生呀!」,古仔說:「第一件事我係病緊,第二件事,我想講《今期流行》我從來未live唱過!」雖然當日古仔帶病上陣,但絕無欺場。祖兒接着說:「係呀!佢呢輩子未現場演釋過呢首經典金曲。你真係好錫我,你係咪前世欠咗我㗎?哈哈,你記唔記得你好多年前做過我演唱會嘉賓?」古仔笑言:「你真係當我老人痴呆症喎!我以前同你影過張相嘛!」祖兒指古仔當時拍緊劇:「我係電視台撞到你,當然係唔會放過機會啦!就係呢張相溝掂你!哈哈,我講笑。你個陣好白㗎,不過咁依家都唔係好黑….」引得觀眾哈哈大笑。

當祖兒講完後,古仔突然說:「唔知點解,我有啲谷鬼氣,我想講!唱多次!火滾!你驚overrun?你係咪都加咗場啦。」容祖兒也說:「我畀你唱埋落去都重得!呢個人真係好鐘意唱歌㗎!」二人再合唱古仔大熱作《今期流行》,期間古仔加上招牌舞蹈動作,全場觀眾大合唱,反應氣氛熱烈。

祖兒唱完歌細心幫古仔抹汗:「你唱到喘氣啦!抖抖先啦!最受歡迎男歌手…..」不過最受歡迎男歌手冇抖不特止,重將觀眾情緒推到最高鋒,竟然話:「依家玩個遊戲,我知祖兒呢十一場都未同大家影過相,依家邊個叫得大聲,我聽到就搵佢上來影合照!」祖兒直言向來都知道古天樂為人好好,佢雖然外表好似好惡,但係佢內心好善良。不過你搞到咁,接住落來的嘉賓唔知點算。」影完相後,古仔想走人:「我同你講接觸吓人,大家開心啲咪好囉。我走啦!」但祖兒就拉住古仔唔肯放:「你咁鍾意唱歌,你唱多首啦!」觀眾再次歡呼,古仔於是留下來同祖兒再合唱《男朋友》再離開。

古天樂與觀眾互動。
分享: