笑老公貪靚 法拉:會偷我啲護膚品嚟用

陳法拉自從和法籍老公Emmanuel Straschnov結婚後,一直和老公定居外地,不過法拉日前回港拍攝美妝品牌廣告,期間卻出現一個搞笑小插曲,事緣法拉在港日夜拍攝廣告,忙到日夜癲倒,每天慣了和老公send whatsapp和視像通話的她,有一晚如常和老公用電話傾偈時,竟累到瞓着。老公狂send 短訊冇回覆下,結果打了一段訊息給老婆說:「你喺唔喺度呀?」、「點解冇人應我嘅?」、「你忘記我了?」看到老公如此緊張自己,法拉覺得既搞笑又窩心,紓緩不少工作壓力。
法拉認為見面少無損夫妻感情,因她和老公由初相識至今,習慣每天如不在對方身邊,都會傳訊息關心一下對方,她覺得間中給對方空間是好事,各自可做自己喜歡的事,亦會有更多話題彼此分享。法拉又提到,為另一半護膚其實可以增進夫妻間感情。她說:「其實老公都鍾意用護膚品,所以佢皮膚都唔錯,有時佢仲會偷我啲護膚品嚟用!」
分享: