新MV躲衣櫃偷窺 許靖韻與台灣大隻男談情

許靖韻(Angela)近日推出全新EPMy 25》,收錄在EP的歌曲《沒完沒了》也同一天上架。她說當初收到此歌歌詞時,並未完全理解歌詞意思,「唱咗好幾次先感覺到歌詞想表達嘅嘢。首歌係想講嗰種同對方嘅關係唔係真正嘅情侶,好曖昧,好似偷情但又唔知邊個係第三者嘅感覺之餘,又唔想結束呢段感情,係一段好模糊嘅關係,沒完沒了咁同對方喺一齊。」

今次在MV跟許靖韻談情的,是一位來自台灣的大隻演員謝允,許靖韻表示較難忘的是她跟謝允鬧交,她說:「一路鬧、我一路想喊,因為通常我一俾人鬧就想喊!」

MV其中一個特別之處,是MV大部份時間都採用偷拍角度,許靖韻更要躲於衣櫃內窺探外面的世界,為此她說:「衣櫃入面嘅我其實只不過係一個幻想,又或者係我嘅一啲回憶,俾我回憶番同男主角各種好甜蜜嘅情節。但係其實衣櫃裏面嘅我究竟係邊個?呢啲就留係俾觀眾一個幻想空間。」

分享: