演唱會被Twins爆緋聞 容祖兒:拎對鞋塞住你個嘴

容祖兒紅館演唱會昨晚去到第9場,多年英皇好姊妹Twins及好友關智斌擔任嘉賓,祖兒介紹嘉賓出場時說,就表示每次這個組合一齊人,就會玩得好癲,還自爆之前Twins開演唱會,自己「飲大咗」上台,所以好擔心今次邀Twins上台會「對付」她。之後三人便唱出〈風箏與風〉一曲。

Twins獻唱〈大紅大紫〉後,蔡卓妍(阿Sa)即大爆:「我哋今日其實帶咗啲大禮畀你,雖然容祖兒冇乜緋聞,你唔好以為佢冇人追,真係好多人追佢㗎!今日已經有幾個喺度。」鍾欣潼(阿嬌)接住問:「你係咪想講日本嗰個?」阿Sa扮猶疑問: 「係咪真係講得㗎?」祖兒馬上搶白 :「咩日本嗰個呀。唔係,掩住你哋個嘴,佢哋(觀眾)冇人想聽我緋聞。你試吓再講,我拎對鞋塞住你個嘴。」

阿Sa卻繼續狙擊:「做咩啫!我想話好多人鍾意你,但你未同人開始,就終止人哋關係……」祖兒急住解釋:「我要專注事業,如果拍拖點做咁精彩演唱會,影響晒囉!」未知是否想轉易視線,祖兒隨即邀請另一嘉賓關智斌上台大合唱〈死性不改〉,成功解圍。

分享: