容祖兒補場未邀請嘉賓 臨時拉張信哲上台

容祖兒首場演唱會機件故障,昨晚為觀眾補場,由於未有安排嘉賓到場。臨時拉前來欣賞的張信哲上台,張信哲初時耍手擰頭拒絕二人,但最後乖乖「就範」,與祖兒合唱《愛如潮水》及《習慣失戀》。

PRETTY CRAZY 容祖兒演唱會
容祖兒與張信哲合唱《愛如潮水》及《習慣失戀》。

容祖兒昨晚原本是休息日,但因第一場機件發生故障,所以她放棄休息,舉行一場《PRETTY CRAZY 容祖兒演唱會》補場。開場不久,祖兒望見九成九觀眾再次到場,疑似眼濕濕向觀眾說:「唔知點解,今晚特別感動嘅…….」她唱完第一部份後同觀眾打招呼:「今晚係好特別晚上,特別場,未試過一張飛可以睇兩次!無論你今晚係唔係第二次來睇,我希望唔會有第三次,哈哈哈,唔好意思又叫你再來。無論你第幾次,作為今晚主場,我一定盡我努力去演出,令大家有兩小時開心感覺,多謝你哋。」

容祖兒眼濕濕。

由於是特別場,祖兒沒有邀請嘉賓,祖兒說:「第一晚嘉賓係張學友,大家都記得啦!唔係以為今晚都係佢呀?神呀,點會連續兩次來同你哋玩?你哋係咪傻㗎?張學友就冇啦!我睇下先,張學友個細佬就係到,張家輝!」觀眾馬上望向VIP席上,坐楊受成隔離張家輝,家輝也大方揭帽跟大家打招呼,祖兒說笑言唱歌未必是他的強項。觀眾即是大叫家輝上台,祖兒說:「唔好搞佢,不如我哋視線再移兩個位。嘩!呢度到有另一個姓張,張信哲先生!阿哲多年前同我做過音樂會,2015定16年?合作做過《我是歌手》,我同張信哲好有緣份㗎!佢好似好耐冇係香港演出,大家覺得點呀?不如試吓用誠意打動張信哲先生啦!」

容祖兒與張信哲擁抱。

祖兒於是臨時把以朋友身份來睇騷的張信哲拉上台。阿哲被突如其來的邀請嚇一跳,不停耍手示意沒有準備,但祖兒不肯放過他:「你得嘅,你開緊巡迴演唱會,你把聲都開晒啦!」然後帶領全場觀眾不停大叫張信哲!阿哲上台後尷尷尬尬表示:「哎吔!我沒有要來當嘉賓!我是來幫你加油啊!你的演唱會導演也是我的巡唱導演!我來幫你們打氣,我被嚇倒啦!」祖兒安慰阿哲說:「沒關係啦!你整個人都好Ready啦!整個紛紅色,大家說帥不帥?」觀眾都回話:「帥!」阿哲笑說:「帥我承認啦!但是沒準備啦!」祖兒更表示聽用鋼琴伴奏他的首本名曲,二人隨即合唱《愛如潮水》,觀眾掌聲雷動。

張信哲到場欣賞容祖兒演唱會。

祖兒唱完後嫌未夠,拉着不肯讓阿哲走,指跟他合唱真的很多回憶:「你不要想走,可不可以唱多一首歌!這首歌我這個演唱會沒唱,既然你係到,唱埋佢啦!」兩人再跟全場觀眾大合唱《習慣失戀》把現場氣氛推到最高。

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: