新歌大搞葬禮 張敬軒自爆早立遺囑

張敬軒日前(8日)推出新歌《感情寄生族》,這首歌是面對和領悟生死的必經過程,他說:「導演用一個葬禮去詮釋一段感情嘅一個最後嘅階段,無論情感層面、生理情感,畫上一個句號嘅時候,所有嘢就會回復平靜。」

面對生死,軒仔分享自身經歷,「過去呢一年,我都有同『死亡』好接近嘅經歷,譬如我廣州屋企養嘅一隻狗仔,今年走咗,佢十六歲,陪伴咗我同爸爸媽媽好長嘅時間;之前有個舊同學,同我一樣三十八歲,都係走咗。」除了身邊事物,原來軒仔亦早早為自己立下遺囑,「喺我入行大概六、七年,一位圈中前輩提醒我要識得規劃未來生涯,當中包括訂立遺囑。我好記我第一次上律師樓立平安紙嘅時候,簽名嗰刻係好震憾!第一年簽覺得好大吉利是,之後每年去re-new嘅時候,又加咗啲新嘢入去。當你開始去模擬一個所謂葬禮嘅時候,你會知道自己最愛係邊啲人。」

分享: