蔡一傑追逐個唱夢 10月伊館開騷

「草蜢」成員蔡一傑(傑仔)夢想是舉行首次個人音樂會,今年將會夢想成真,於10月假灣仔伊利沙伯體育館舉行三場個人音樂會「Remus Choy Onederful Live Show 2019」,他早前穿上白色型仔西裝為音樂會海報影靚相,心情興奮又好風騷。

蔡一傑夢想成真,將舉行首次個人音樂會。

傑仔透露今年年初已開始籌備音樂會,除了個人心水作品,還會唱其他歌手的歌曲,而且特別有一個環節專攻女歌手作品:「希望今次音樂會呈現我自己喜歡嘅音樂會,所以除咗合作無間嘅班底音樂,音樂總監何秉舜之外,另外邀請咗幾位外國音樂人,想多啲默契,更好玩更好聽,所以綵排時間比以往多。最頭痛係歌單,年初開始揀歌,到依家都未落實晒,想唱嘅歌太多。雖然有歌迷話想我成騷都唱自己歌,但我就想有新鮮感,所以一半自己歌一半人哋嘅歌,仲有一Part唱女仔歌。」

蔡一傑為音樂會拍攝海報。

講到今次音樂會名為「Onederful」,傑仔透露固中玄機:「今次係我第一次一個人開音樂會、我嘅第一首日語歌叫《One》、我個名又有個『一』字,所以就設計咗『Onederful』呢個字!」而「Live」就代表他最擅長唱Live,真材實料真功夫。採用「Show」而不是慣常用作演唱會的「Concert」,因為傑仔這個音樂會不但歌舞連場,還有靚衫靚景和充滿娛樂性的表演。

蔡一傑表示如果手上只有一張門票,會請經理人林珊珊(左):「好想佢坐定定享受我嘅Show!」

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: