楊采妮覺得任達華適合演倖存者角色

楊采妮(Charlie)日前與任達華(華哥)接受電視專訪,Charlie如果將來再執導演筒,華哥適合演倖存者,在野外用各種方法掙扎求存,但現時仍要花多點時間照顧家人。

楊采妮、任達華

二人日前接受香港開電視《娛樂頭條 E-news Headline》專訪分享與狗狗一同拍攝《小Q》點滴。Charlie表示享受幕前演出,希望能多接拍電影,但現時仍要花多點時間照顧一對小孖寶。問到老公、兩個兒子以及兩隻愛犬在她心中的排位,她笑謂:「唔好逼我排啦!佢哋喺我心目中係同一線,因為佢地都係家人,缺一不可!」

楊采妮及任達華日前接受香港開電視節目專訪。

曾擔任導演的Charlie被問到假如將來再執導演筒拍戲,並由華哥主演,會拍什麼題材時,她表示:「有時聽到大家問華哥仲想演咩角色,我心諗佢真係演過太多角色,但我成日覺得華哥係可以喺野外生活嘅人,係一個Survivor(倖存者)!例如拍佢突然去到荒島,然後用各種方法掙扎求存,相信呢類題材由華哥演嘅話,應該會幾好睇!」

楊采妮

任達華創NG紀錄
於電影中因失明而封閉自己的華哥指角色性格與現實剛好相反:「我不嬲都好正能量,跌低咗會問自己點解會咁,然後自行解決困難!當然有時同朋友傾計都好緊要,只要有愛,世上所有嘢都能夠解決!」他與導盲犬「布丁」因拍戲而建立了深厚感情,但同時令他創下48次NG紀錄,他笑言:「破咗人生紀錄!因為永遠係我哋同機器遷就狗狗,佢哋唔知道鏡頭喺邊,點樣走位!不過佢始終係一隻動物。」他與Charlie異口同聲表示會提名狗狗角逐明年金像影后。

任達華

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: