自詡掃奶拿手 黃澤鋒自爆想生5個


黃澤鋒坦言雖然湊女搞到冇覺好瞓,但就很珍惜這段時光。(取自黃澤鋒IG圖片)

藝人黃澤鋒的太太上月剛誕下女兒,黃笑言現時要努力搵奶粉錢,日前他便出席泰拳活動時,表示由於暑假,有很多游水堂要上,又要照顧女兒和囡囡,分身不暇。提起囡囡「小黃妃」,他即流露慈父樣說:「呢幾個月係好辛苦,因為要餵夜奶,太太仲坐緊月,本來諗住兩個輪住餵,但因為太太餵人奶,我要補奶粉,所以即係兩個一齊,同埋我負責掃風,我掃風都好叻,囡囡至今都未嘔過奶。」他又謂太太及囡囡身體健康,雖然自己現時湊女冇覺好瞓,但很開心,同時感恩上天送了一份好禮物給他。

黃澤鋒坦言很珍惜這段時間,因為可能一生人得一次,問到他是否一個夠晒數,誰知他說:「唔知呀,睇太太,我冇所謂,生多五個都冇問題,哈哈, 但太太身體最緊要。」果然有心有力。

分享: