凍齡港姐冠軍 翁嘉穗性感不需問准老公

前港姐冠軍翁嘉穗,現時已是兩子之母,但近年越來越省鏡的她,近數次出席活動時均悉心打扮,凍齡樣貌加均勻身材,令不少媽咪艷羡。
日前她以一身火辣Deep V紅色短裙現身一個頒獎活動。對於保養心得,她笑言和其他人一樣,在飲食和運動方面下功夫。她說:「我自己就好貪靚,會晚晚敷面膜同食啲嘢會盡量健康,食多啲生果同蔬菜,運動都好重要,我自己鍾意做瑜伽、游水、跑步、踩單車,除咗食物同運動外,保持心境開朗都好重要,遇到唔開心嘅事都盡量睇開一啲,唔好咁計較,個人就自然會靚。」雖然被身邊好友稱讚,但翁嘉穂笑言老公鄔友正卻沒有讚她。她嬌嗔地說:「佢好少讚人,可能佢份人比較含蓄啲啦!」她直言自己穿着性感,事前不需要老公先批准。
另一方面,翁嘉穗透露趁暑假會和家人去旅行,分別會去布吉及越南。問到屆時會否穿泳衣?她笑說:「冇啦!唔會成日着泳衣?但會影相留念,仲着得到就着啦,但唔會貼出嚟。」
分享: