張敬軒做「空中飛人」 玩到唇都乾

張敬軒(軒仔)與當奴到星加坡為節目拍攝室內跳傘,齊齊做「空中飛人」。軒仔笑到口都乾,相反當奴一笑就噴口水。

張敬軒
張敬軒一嗜做「空中飛人」滋味。

軒仔去年推夥拍商台當奴拍攝《天才遊童》大受歡迎,一班粉絲大叫添食,今次軒仔終於還願。新一輯《天才遊童2019星加坡篇》日前終於出街,第一集便挑戰室內跳傘Ifly。不過二人正式玩之前先於酒店房內用風筒來個「吹風測試」,試試雙方皮膚緊緻度,不過還未睇得清皮膚的緊緻度,當奴就已經吹到頭暈,還問有無驅風油,十分搞笑。隨後換作軒仔被吹,當奴毫不留情開大風吹軒仔塊面,更不讓他保持微笑,相當嚴格!

張敬軒玩到伸晒脷!

當軒仔跟當奴去到iFLY上堂時便很認真聽老師教學,二人其後各自揀選戰衣,揀了藍色衫的軒仔話:「我就似整車嘅,當奴就似賽車手,等我仲懶叻,諗住藍色靚啲。」當奴立即反擊:「係樣嘅問題,唔關顏色事㗎張生!」

張敬軒與當奴各自揀選戰衣效。

正式開始玩室內跳傘時,軒仔同當奴都不斷失控亂咁飛,要教練幫手扶好。之後兩人慢慢漸入佳境,同教練一齊360度轉圈飛高飛低,狀甚專業!做完「空中飛人」,當奴指大會不斷叫他笑多些,但他一笑口水就噴出來。而軒仔則完全相反,指自己笑到口乾:「我乾到掛住咗個咀唇,合唔埋口。佢仲話最正係真係有飛緊嘅感覺,不過又話「試過就夠啦,平時都係行路搭車就夠。」

——————————
【#有禮送】下載 @ 流動新聞 📱手機APP!玩遊戲
🥤送您茶里水果茶
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: