尾場王嘉爾古仔現身 Sammi完騷IG爆喊

一連13場鄭秀文(Sammi)《#FOLLOWMi》紅館演唱會日前完滿結束。其實開騷前3個月,由於爆發「安心事件」,不少人都擔心Sammi的情緒會因此受影響。今日她在IG貼出尾場慶功宴的影片,片中Sammi爆喊:「好開心,因為呢個騷真係得到好多人幫忙,同埋真係好開心,多謝觀眾同成個團隊,每一個有份參與嘅人,大家都好盡力,所有人好同心一致做好呢件事,真係最終可以做好呢件事,仲要做得好,我好開心呀,多謝你!」Sammi解釋爆喊原因,並非因為傷感,反而是開心、感恩和感激的涙。她表示這數月來,感覺自己的內在更沉穩更成熟和平靜,內心已進階到另一個階段。

而尾場Sammi就請到多年好友古天樂(古仔)和靚仔小鮮肉Jackson Wang(王嘉爾)擔任嘉賓,令現場high爆。鄭秀文介紹好友古仔出場時,以「叱吒樂壇最受歡迎男歌手」介紹, Samm和古仔手拖手合唱《默契》後,二人在台上chi chat,Sammi更形容古仔是「辦大事」後的廁紙,沒有他不行。她說:「點解我經常請你做嘉賓,你知唔知道冇你做嘉賓點算?就好似大便冇廁紙一樣,唔知點收科。」 她指早前古仔以演藝人協會會長,舉辦首個慈善晚宴,當日自己肚痛不適都照樣出席,可見對古仔很好,古仔笑道:「係呀,你上次就肚痾,今次就大便,你今晚大完便啦,可以圓滿結束啦。」二人這番「大便論」,令現場觀眾捧腹大笑。

而與Sammi一齊合唱《Creo en Mi》的王嘉爾,亦成為當晚尾場另一亮點。當晚身穿黑色背心的王嘉爾,大騷一身肌肉及開金口Rap,將《Creo en Mi》足本呈現于觀眾眼前,令現場氣氛高漲,現場fans尖叫聲不絕,唱畢後,王嘉爾與Sammi激動相擁。感動氣氛點燃全場。

分享: