新戲演法醫需隱藏真功夫 張家輝:十級難度

寰亞電影《沉默的證人》籌備兩年,今年暑假正式上映,領銜主演的影帝張家輝和型男任賢齊日前為電影拍攝宣傳照片,穿上醫生袍和手術手套,戴着金絲眼鏡的家輝,溫文爾雅。相反飾演悍匪的小齊,雖然戴着人見人愛的聖誕老人面具,但凶悍眼神穿過面具,令人不寒而慄。

家輝揚言今次電影非常考他演技,事關他本人「太好打」,卻要為了角色隱藏實力,十級難度。他說:「戲中我飾演一個斯斯文文嘅法醫,唔識打交,理應捱打唔識還手,但拍攝時唔覺意使出《激戰》真功夫,下意識嘅自然反應,我最初都唔發現,打完一輪之後導演睇回帶時先發現,話我要好好隱藏,唔可以俾觀眾發現我食過夜粥。」而小齊則說:「戲中我係受過專業訓練,好打得,但家輝係斯文人只會打爛仔交,即係單憑本能反應擋拳、迴避或者掟嘢,例如玻璃樽、滅火器。家輝好體貼和好有經驗,知道邊個角度打落嚟唔會真『爆缸』。相反,因為佢個角色唔識打交,反而要『硬食』,雖然做咗安全措施,但睇到都戥佢痛。」

家輝與小齊於5年前拍《大事件》時合作,這次電影《沉默的證人》由經典荷里活大電影《虎膽龍威 2》(Die Hard 2) 動作導演雷尼哈林(Renny Harlin)執導,三人首度合作。

分享: