【更新】張致恒IG曬「全家幅」 舊愛April絕望留言:我怕過唔到今晚!

(April@IG)

34歲Boy’z成員張致恒(Steven)今日在IG貼出一張與女友的自拍照,留言:「感恩!我們將踏入人生另一階段,謝謝妳!」好友Yumiko即回覆:「wow,恭喜你呀!」一眾fans亦恭喜Steven好事近,並留言給38歲的關智斌(Kenny)催婚。有傳Steven跟28歲女fans雯雯交往,對方更為他產子,上周為BB搞百日宴,Steven榮升人夫兼老竇。
(張致恆@IG)

張致恒在IG貼出和未婚妻、BB的合照,他還說:「以往自己年少輕狂,但好感激未婚妻雯雯事事包容,更為我添了一個非常健康可愛嘅寶寶。踏入人生另一階段,今後我會更努力工作,賺多啲錢,盡力比最好嘅教育小朋友!」

然而,張致恒前女友April晚上則在IG貼上一張身形酷似Steven的男人背影相,開post說:「May i know what’s going on?!!!!點解忽然世界末日?!!!!!!!!!」並傷心留了兩個tag,分別是「#我怕過唔到今晚」及「#被偷走的那五年」,悲觀情緒浮面,有人就留言「take care」安慰,但April未作回應。《蘋果》晚上曾聯絡上April,到問是否被Steven欺騙?April短訊回覆:「係,我而家先知所有嘢。」April其後又在Steven的一家三口相上番言:「我呢?你會唔會覺得你有嘢要同我講?你想逃避到幾時,一個電話都唔面對?你所有衫褲鞋襪同所有嘢都仲係我度,你嗰啲愛我嘅message呢?先幾日仲有喎?你仲爭我好多錢,right?你唔打俾我嘅話,醫院見。」

分享: