還剩3場已感不捨 Sammi:但我又期待食煎炸嘢

鄭秀文(Sammi)紅館演唱會昨晚來到第10場,由於只剩下3場,Sammi甫開場便坦言開始感到不捨,但同時又期待尾場後,可以盡情吃煎炸油膩食物。當晚嘉賓是前女子組合Face To Face成員吳少芳(Jodi),原來Sammi和Jodi參加過同一屆新秀歌唱大賽,可是Jodi卻不幸於92年遇上嚴重交通意外,致四肢癱瘓,現時只有左手手指可以輕微移動。

Sammi說:「我打電話邀請佢時,佢馬上就應承。佢真係好鍾意唱歌,成日同朋友上街busking,我都喺佢身上得到好大啟發,佢嘅不放棄、不斷咁奮鬥,其實係好充滿住正能量。你今晚嘅出現,畀到我哋好多正面訊息。」Jodi則說:「我希望自己唔好喊,怕自己唱得唔好,你哋會唔會畀啲鼓勵我呀?」台下觀眾即為Jodi加油。而在下月4日,Jodi在荃灣大會堂演奏廳將有演出,所以她正於綵排。

完騷後,Sammi在IG表示感激Jodi的出現,她帶來的正能量,希望各位觀眾除了開心之外也有感動:「第十個夜。作為一個表演者,一站上舞台,就必須盡力演出,是責任,也是使命。不能辜負你們撲票的艱辛。今夜,希望入場的每一位都能帶着愛,帶着濃濃的正能量回去。」

分享: