病癒黎小田現身 薛家燕設宴慰勞《流行經典50年》工作人員

薛家燕為了答謝播映了兩年多的長壽音樂節目《流行經典50年》台前幕後的工作人員,日前於銅鑼灣食肆延開席。當日有主持陳敏之和胡諾言外,早前患上肺炎而要在家休息的黎小田亦有俾面出席,令人驚喜。

家燕姐表示要多謝黎小田為她做這個節目,「多謝大家支持同配合,大家工作得好開心,我好多謝小田Michael咁錫我,為我做呢個節目,好感動。」而黎小田則笑說,「我哋拍檔咗好耐,一叫我做呢個《50年》,本來唔係叫50年,叫50強,但做做下就兩年,嘩!你知電視台啲冷氣啦!做到我病咗,肺炎,醫咗一輪,依家好番。多謝所有工作人員,多謝我哋啲樂隊、燈光,所有啲導演,大家最緊要身體健康、身壯力健,好似家燕姐咁捱得住!」身旁的胡諾言表示:「見到Michael哥氣色好好,型咗、弗咗,我哋頭先食完飯,話約定去Michael屋企。」

慰勞宴上,還加插了大家非常雀躍的抽獎環節,家燕姐和陳敏之帶了不少代言禮物,黎小田則準備了兩封現金利是,現場氣氛熱鬧。《流行經典50年》即將由胡楓接棒,陳敏之則會繼續留任主持一職,她說:「呢兩年幾我哋已經成為一家人,所以見到小田哥,我都好開心。放心,我一定會將你哋辛苦經營咁好嘅節目承傳落去。」

分享: