利君雅狙擊林鄭 獲網民激讚

無綫新聞截圖(網絡圖片)

行政長官林鄭月娥周一(22日)與一眾司局長及警務處處長盧偉聰會見傳媒,回應有市民包圍及破壞中聯辦、元朗暴力事件。在席上,前無綫新聞部女記者,現任港台節目《視點31》主持利君雅問到林鄭,「過往零晨4點你都可以出嚟見市民,尋晚成晚你去咗邊呢?」、「噚晚係咪就官警黑合演嘅大龍鳳」,不過林鄭月娥未有回應,利君雅繼續追問,表現獲網民讚賞。

由此林鄭月娥未有正面回應,利君雅繼續追問,期間更表示:「噚晚你瞓唔瞓得著?」喺聽到特首表示「呢個幾月都好擔憂……」嘅答案之後,利君雅繼續追擊「大龍鳳」一事,於台下直言:「你地唔好咁啦,講人話啦」。

利君雅短短幾個問題,獲無數網民讚賞,有留言指,「個問題一針見血, 因為係事實」、「大快人心」、「本日金句講人話啦」不停出現於討論區,一眾網民更稱利君雅為真.女神同真香港人。

據了解,現年33歲的利君雅(Nabela Qoser)雖為巴基斯坦裔,但出生於香港嘅佢講得一口純正廣東話,喺香港浸會大學畢業後,曾先後於now寬頻電視新聞台、無綫新聞記者,由於報新聞時表現淡定,加上肯搏肯捱,因此不時現身《六點半新聞》,負責政治及社福報道,不過喺離職無綫前,利君雅曾被派到廣州駐守,當時有傳她被遭無綫流放;2015年,利君雅正式離開無綫並轉投《明報》任記者,不過只係做咗兩年,之後佢就去咗港台做助理節目主任,現為《視點31》主持人。

分享: