拍MV跳舞受傷 Aka:啲血染到隻鞋變紅

女子組合Super Girls隊長趙慧珊(Aka)最近推出第二首「單飛」歌曲〈生來起舞〉,日前Aka為新歌拍攝MV,走訪多個地方拍攝,其中她更換上芭蕾舞衫上陣,與好友一起晒八級舞藝。

歌曲故事取材自Aka的親身經歷,講述自少學跳芭蕾舞的她,過程中遇上無數的挫折、失落、調整、失敗等,她表示︰「我想用跳舞去比喻人生,初頭跌跌碰碰時,能慢慢搵到自己的路,就算當中係跌倒過,或者失敗幾多次都好,其實人生最成功係遇到失敗後仍相信自己係可以,這才是最成功的地方。」

不過Aka直言入行後已甚少跳芭蕾舞︰「今次跳芭蕾舞,事前都要花時間pick up番,對於我來說有少少吃力,畢竟現在冇十幾歲時筋骨咁軟同肌肉郁得咁靈活。」結果練習時已整親腳,她表示︰「練習時隻腳擦損流血,冇咗皮得肉,啲血染到隻鞋都紅色,自己都覺得有啲核突,拍攝時都係頂硬上,貼了好多塊膠布,好在跳緊時專注,都唔係覺得好痛。」

分享: