拍新歌有生日蛋糕贈興 黃貫中五體投地答謝

已有5年沒有出新歌的黃貫中(Paul),其剛面世的新歌〈何車AHEM〉,一手包辦填詞及作曲的Paul說:「我記得上次推出新歌時囡囡啱啱出世。以前一向比較多產,忽然有幾年冇出新歌,感覺好似過咗10年咁。」

今次新歌MV是以電影拍攝方式製作,當中更找來泰迪羅賓幫手,Paul說:「除咗要多謝呢班團隊之外,仲要多謝泰迪羅賓先生,因為佢真係幫咗我好大忙,其實係全靠佢。宜家大家覺得好有電影感,Teddy除咗懂得電影,最緊要仲識得音樂,我唔使講咁多嘢,佢已經明白我想表達咩嘢,除咗內容,甚至音樂上想表達咩嘢佢都知道,我其實好開心、好滿意。」

為了拍攝今次MV,Paul花了幾天時間,更走勻香港不少地方,包括中環碼頭、屋邨等地。MV內有不同的影像,包括有玩busking的音樂愛好者、跳街舞的年輕人、四代同堂的組合、拉二胡的伯伯、亦有夾Band的一幕。MV內有不同的影像,是因為Paul希望將平日在香港見到的任何事物,融入MV中,Paul說:「我覺得香港如果係一幅畫,就係有好多唔同顏色混埋一齊,有紅有綠有藍有黃有黑,每一種顏色都混埋一齊就會變得好靚。」

其中一晚在中環拍攝,剛好是Paul的正日生日,數十位有份參與拍攝MV的人士,連工作人員,齊齊向Paul送上驚喜,在拍攝途中送上蛋糕,Paul見到即開心不已,五體投地答謝大家的悉心安排。

分享: