羅志祥與粉絲玩出禍!「安全之吻」不安全

(微博圖片)

台灣巨星羅志祥於微博坐擁6千萬粉絲,為答謝粉絲支持及聯誼,羅志祥每年都會分別喺上海、台北、香港舉行見面會,而日前佢喺上海舉行「家人見面會」時,雖然未有公開予媒體拍攝,但網上有唔少相關照片、視頻。而其中一條影片,係羅志祥同粉絲玩台灣唔少綜藝節目都會有嘅「安全之吻」,影片所見,羅志祥一手拎住道具,一隻拖住女粉絲,但或者係因為其男性魅力過於強勁,令到其對手喺「接吻」期間,情不自禁將手放到羅志祥頸後,猶如一對熱戀中嘅情侶,現場亦因而尖叫聲不絕。

而除了「安全之吻」外,對於back hug影合照、公主抱等要求,羅志祥亦一一做到,照片於網上流出後,「羅志祥粉絲福利」即時成微博熱搜。而「安全之吻」更引起爭議,既有網民問「女友不會生氣嗎」、「周青揚要哭了」,亦有網民認為不合適。

分享: