越南探7歲養女 王梓軒:俾我好多啟發

日前王梓軒赴越南探訪他所助養的女兒小花(Hoa),以及現場了解香港救助兒童會在該區的工作。他本身身為該會委任為「助養兒童親善代表」,今次是首次見到現年7歲的小花,「佢俾我同佢一齊做家務,我覺得好開心!」他表示小花初初見到他時,有點害羞,不過覺得她天真無邪,很是可愛。
王梓軒出發前已經知道對方的志願是做醫生,所以買了一套醫生玩具送給她,他說:「之前小花都有啲好得意嘅畫同信寄俾我,佢手字好靚,我帶咗份禮物俾小花,亦買咗啲小禮物送俾佢啲同學仔,自己好少去越南,老街就係第一次嚟,好期待。」
王梓軒直言幾年後也想再見見小花,知道她的生活如何,「今次嘅行程俾我好多啟發,希望喺我嘅生命之中都可以做得更加好,去影響別人。我希望過幾年有機會返嚟去探小花,唔知佢到時會點呢?佢會唔會離開咗呢度?去咗第二度讀書?會唔會好早就開始做嘢?點都好,我都好想見吓佢,希望可以陪伴佢一齊成長!」

分享: