TVB新聞主播金盈被網民圍攻:點解可以埋沒良心?

(電視截圖)

雖然特首林鄭月娥日前宣布修例已「壽終正寢」、「the bill is dead」,但反修例而引發起的連串行動依然繼續。昨晚於沙田又爆發了警方和示威者之間的激烈衝突,有網民就質疑無綫的新聞報道疑似偏頗不實,TVB新聞主播金盈就回應網民的留言表示:「如果你有質疑,你可以讀新聞系做記者,了解更多,中立咁將事實報道出嚟,我認為睇一件事要全面,就係要睇多間傳媒嘅報道。」即令一眾網民嘩然。

金盈此留言一出,即惹來網民熱烈的留言圍剿,以及於討論區開post鬧爆她。有網民表示:「原來要讀過新聞系先了解到事實真相,真係失敬」、「有質疑就要做記者?咁質疑林鄭,咪要去做特首?」「咁質疑警察,咪要去做警察?」「你讀新聞系,點解你可以唔知報道新聞嘅核心係咩?點解可以埋沒良心報道?」「咁你有無讀過新聞操守?」

分享: