分享「女人四十」 官恩娜與老公撐枱腳過生日

官恩娜(Ella)4年前嫁給中法混血醫生,同年生下大仔Gabriel,去年一月就生下細女Aurelie,湊夠一個「好」字。婚後的Ella,專心在家中照顧一對子女,逐漸淡出幕前。雖然一直有傳復出歌壇,但卻只聞樓梯響。
前日是Ella的40歲生日,她的老公及仔女就為她慶生,送上鮮花及準備了一個「MAMAN E 40TH BIRTHDAY」的小黑板。已步入4字頭的Ella,無論樣貌身型依然keep得與以前差不多。當晚生日她更盛裝打扮,和老公賣甩仔女撐枱腳過二人世界。
而她更在IG分享她的「女人四十」感言:「記得以前做訪問成日有人問我…覺得自己10年後會係點?幾時會結婚?生唔生小朋友? 想要幾多個?我唔係一個對人生特別有計劃嘅人,相信緣份到就會發生。女人四十,檢視下自己嘅人生,成長路上經歷唔少起起跌跌,到咗今日可以搵到一個覺得最開心最合適自己嘅位置真係好感恩!雖然冇乜大成就,只要可以每日睇住自己兩個小朋友成長已經覺得好快樂!」
分享: