結婚20年 姜皓文自爆夫妻愛玩另類「三項鐵人」

今日姜皓文(黑仔)及鄭融以大使身份出席慈善單車賽活動,席間他們亦有即場踩健身單車,原來黑仔是連續第二年參加這盛事。

提到踩單車,黑仔表示太太殷寧的體力也拍得住他,所以平日踩單車時,也會叫太太同行。其間他更自爆兩夫妻更經常參加「三項鐵人」,不過他口中所說的「三項鐵人」不是游水、跑步和踩單車,而是「放狗、洗車同買餸」,為此他說:「最近天氣唔係咁好,去踩就辛苦啲,喺屋企着焗汗衫、熄冷氣跑跑步機又唔夠真實,都係鍾意落街。」

分享: