答謝粉絲支持十二年 鄧麗欣希望開演唱會

鄧麗欣(Stephy)與粉絲們每年也會舉行見面會,而今年為了慶祝歌迷會成立十二周年,日前大玩廚藝比賽主題,Stephy除了落場親自炮製心太軟之外,亦做評判試食九組粉絲所製成的各式各樣甜品,Stephy笑說這樣有沉「重」代價:「其實整甜品會落好多牛油同糖,真係好肥,我仲要試食晒咁多組嘅甜品,唔知要跑返幾多個圈先減得返喇!」

對於粉絲們多年來的支持,Stephy感謝萬分,她說:「知道你哋來自唔同地方,十二年真係一個唔短嘅時間,大家每次都會同我慶祝真係唔容易……」Stephy即場亦答應會以成績去答謝大家,「認識我嘅人都知我係好實際,我會用我嘅成績、作品嚟直接報答你哋,希望嚟緊實現到你哋嘅夢想 - 開演唱會喇!」

分享: