【藝人撐警】阿叻警總打氣:你哋嘅專業令我覺得香港有救

(網上圖片)

《逃犯條例》引發的社會爭議仍未緩和,引發連日示威、警民衝突,更令不少市民針對警方執法問題表達不滿,要求成立獨立調查委員會徹查。雙方各有支持,繼早前多名藝人包括譚詠麟、鍾鎮濤、梁家輝等表態支持警察執法,陳百祥(阿叻)日前(10日)亦到警察總部為警員打氣,稱對警員於艱難時間及屈辱情況下保持專業精神感佩服,「我同所有正常嘅市民都會繼續支持你哋」。

阿叻:「如果你哋俾我做決定,我都唔知點做,只可以堅持自己當差嗰陣時,係想呢個社會有正當嘅紀律,有合法嘅嘢,你哋只不過做番自己嘅本份,不過而家呢份工係好難撈,所以我只可以做到嘅,係同你哋打氣,因為我覺得正常嘅香港人絕對係同我一樣諗法,但係大家都知而家嘅環境係好特別,所以我只能夠同你哋打氣,希望你哋繼續,我哋所有正常嘅市民都會繼續支持你哋。」

分享: