浸水4小時雙手凌空拍攝 梁詠琪:當做咗一日gym

日前梁詠琪(Gigi)為一間醫學美容公司拍攝廣告,穿上晚裝長裙,躺在影樓內臨時搭建一個大水池之中,再做出一些優雅的手部動作,Gigi表示也有不少難度。她說:「因為想營造出好輕、好水潤嘅效果,兩邊有工作人員不停攞住咭紙潑水,製造人造浪,水嘅高度又近眼,好幾次被水潑入眼,影響拍攝。而且雙手要浮喺水面,擺一啲好優雅嘅動作,但實情我隻手有重量,所以要凌空hold住隻手响水面,雖然返屋企手臂肌肉有啲酸痛,但效果好好!哈哈,當做咗一日gym!」

在整個拍攝過程中,Gigi在水中浸足4小時,「因為要就條腰線,又要就個樣靚,加埋雙手做動作,浸足4個鐘,條腰同對手好攰,手腳浸到皺皮,哈哈!」事後工作人員也專登為Gigi準備了大量毛巾和薑茶,還有暖爐為她保暖。

分享: