澳門個唱感動流淚 薛家燕:好多嘢湧上心頭

薛家燕日前在澳門舉行《薛家燕愛你無限60年演唱會》,嘉賓有王祖藍、米雪、胡楓、謝天華和王梓軒等,個個連環出場,甚有驚喜。
69歲的家燕姐,穿上20磅龍袍及金飾極具氣勢,她與米雪合唱〈滄海一聲笑〉,贏得全場掌聲。米雪甚為佩服家燕姐唱歌之餘又要換衫、記歌詞,真的不容易。
當晚有笑有淚,其中王祖藍以上海灘造型現身,他說:「我今日要趕住返去睇個女,因為李亞男12歲時已經1米7,所以我估計耷低頭望個女嘅時間唔多喇!」王祖藍大放笑彈,現場氣氛很好。
至於全晚的感動位,一定是家燕姐與三位子女合唱〈You Raise Me Up〉,家燕姐說到養大子女們時,感動落淚,「復出嗰陣仔女得幾歲大,我都諗點可以養大佢哋?因為自己都四十幾歲,好彩有《真情》。好多人話『你好陰功有3個包袱,點孭呀?』但我唔覺得佢哋係包袱,係推動力,我要做個100分嘅媽媽。雖然每日瞓得兩、三個鐘,但好值得。」這段說話感動了在場不少觀眾,而事後家燕姐表示:「其實我都忍住唔喊!怕影響把聲,但諗番佢哋細個嘅成長,好多嘢湧上心頭,眼淚、鼻涕不斷流,呢個騷係大家集體回憶。」

分享: