與華仔合唱新歌 古仔自評唱功零分

由劉德華監製聯同古天樂、苗僑偉、林嘉欣主演,陳家樂、衛詩雅、周秀娜、應采兒、MC Jin、恭碩良等參演的《掃毒2天地對決》,將於下月16日正式上映,近日華仔、古仔兩位影帝首次為電影合唱的主題曲〈兄弟不懷疑〉錄製,這首電影主題曲的歌詞是出自華仔手筆,華仔坦言為了填這份歌詞,花了很多心機。

《掃毒2天地對決》主要講述雙雄之間的兄弟情,華仔說:「確實寫咗幾耐真係唔記得,寫咗幾日吧!寫嘅時候腦內畫面諗住同古仔之間嘅兄弟情、亦有我自己戲內同其他兄弟之間嘅兄弟情!其實份詞主要係想講,大家兄弟之間有啲野一早講出來就冇事,但大家就係點都唔會講!最後就會懷疑大家,之前嘅感情就會變質。」華仔指對上一次唱這樣剛陽味重的歌,是很多年前和偉仔(梁朝偉)唱的〈無間道〉,他表示現在市場上都需要一些男性的音樂和歌曲。

問到在錄音時,二人究竟想像甚麼來投入感情,古仔表示:「諗起最後Ending 在地鐵內嘅畫面,十幾年既兄弟情,因為大家唔肯聽大家講野就冇咗。」古仔聽到要為華仔評分的話,他立即笑說:「咁我一定係零分,而華哥就一百分!」

分享: