【逃犯條例】青年拍片批鬥父母「父母根本冇愛過你」 黃秋生鬧爆!

(Facebook影片截圖)

受《逃犯條例》修訂風波影響,近日青年流傳了一段「致年青人:你哋冇上街嘅父母根本冇愛過你」的影片,片中的青年,把遊行示威與父母的問題混為一談,而黃秋生睇完該片後,忍不住fb中留言指該青年言論偏激,更鬧爆該青年是「仆街仔」。

近日Facebook流傳「Louis Yuen」發布長約6分鐘的影片流傳,從影片可見以金鐘政總為背景,片中青年表示自己有去參與6月9日及12日的示威遊行,而且亦有被催淚彈打中,不過他質疑為甚麼大部份出席的都只是青年沒有「大人」,而他得出的結論就是「冇上街嘅父母根本冇愛過你」!影片一出,意見正反兩極,惹來爭議!

然而,影帝黃秋生亦忍不住在fb轉發影片並留言:「細路,係你老竇老母係咁咋?睇你嘅偏激言論,都可以知你父母唔識點教你。你令我諗起紅小兵。快啲批鬥你老竇老母啦,佢哋涼冷氣唔夠革命呀!用皮帶打佢哋啦,你條仆街仔,出過嚟就佔領道德高地呀?好在唔係個個好似你咁啫。出得嚟,就預咗硬食,有事就叫阿媽,學下做個男人啦。真係多得你唔少。條片刪咗嘞,起碼都叫從善如流。」

分享: