張美妮Ig公布喜訊 B女乳名叫笑咪咪

美妮媽媽日前公布喜訊,她透露B女出世時重6磅多。(張美妮Ig圖片)

現年39歲、6年前嫁給髮型屋老闆的張美妮,去年底在社交平台宣布懷孕,B女日前終於出世,正式成為媽媽一族的美妮,今日在社交平台開心share一家三口的溫馨相片,抱着B女的她和老公鼻貼鼻,畫面十分有愛!

美妮留言說:「我們的寶貝女出世了!同大家介紹佢嘅乳名叫笑咪咪,因為佢一出世就成日都笑咪咪,連醫院啲姑娘都咁講吖!有佢喺度令到我同老公都感到非常喜悅、開心、溫馨,真係成日都笑咪咪吖!乖女~Welcome to our family! We love you,一家人笑咪咪,咁就最開心喇!」

據知美妮女兒出世時6磅多,原本美妮已擇好日子開刀,但BB搶閘早一天出世。她透露已和B女出院,暫時以全人奶餵哺,而老公就負責掃風和換片,分擔照顧B女的責任。

美妮去年底宣布懷孕消息,兒童節目出身的她,由美妮姐姐升呢成為美妮媽媽。(張美妮Ig圖片)
分享: