譚健文Dash為Mr.紅館演唱會整App玩燈海

樂隊Mr.將於17、18日舉行紅館演唱會《Mr. Everyone Concert 10》慶祝出道10周年,成員譚健文(Dash)與孖生弟弟譚健榮特意為演唱會設計手機應用程式「Show What」,讓樂迷免費下載。Dash表示已揀選指定的環節及歌曲,讓大家在演唱會中一起製造燈海。他說:「今次係第一次用呢個app,加上我哋都要顧及現場觀眾嘅感受,冇理由全程舉起手機咁攰,所以喺唔影響大家睇騷嘅情況下,先至出動,希望大家一齊參與。」

據報道,阿榮透露創作手機App的概念來自6年前在家欣賞英國Coldplay演唱會DVD:「嗰陣已經好想做,一直等到而家,因為Mr.今年先開演唱會,我哋唔識寫App,都係搵人幫手,對專業人士嚟講,其實唔難,但最難係點樣令手機訊號穩定,所以一定要提提大家,手機要叉滿電、wifi同藍芽都要開咗,先可以確保穩定性。」兩兄弟花了2個多月時間研發,他們坦言成功的關鍵在於大家到時是否已裝手機應用程式。

Dash為了Mr.的紅館演唱會製作手機App玩燈海。(圖片取自IG)
譚健文與孖生弟弟譚健榮好像餅印一樣。(圖片取自IG)
分享: