陳志健臨死一幕 紅姐親手加血漿

能夠跟紅姐合作,陳志健坦言感到很榮幸。(圖片來源:網上圖片)

無綫劇《鐵探》大結局在即,緊張劇情亦進入白熱化,惠英紅飾演的Madam Man,不單先後害死兩個仔,殺得性起的她,在昨晚劇情中繼續大開殺戒,Bingo(姜皓文飾)和伍Sir(陳志健Otto飾),亦因她而死於亂槍之下。

劇中身為紅姐忠僕的Otto,臨死前終於棄暗投明,而Otto這場「陣亡」戲,紅姐事前給予他一個暖心小貼士,令Otto感動不已。他說:「自己中槍倒地嗰幕,同紅姐綵排時,佢提醒我落地嗰刻,記住要將手袖位拉出啲,等落地唔會磨損手掌。佢又提我中槍之後,打穿心臟嘅反應,係首先表現到呼吸困難,之後先斷氣。到我中槍撻低之後,紅姐仲親手幫我加血漿。其實佢有好多嘢要兼顧,但佢有留意到對手嘅每個細微位,所以真係好感謝佢。」

拍攝當日氣溫高達攝氏40度,在酷熱天氣下拍外景,演員個個有苦自己知,Otto還大爆當日一眾演員有輕微中暑徵狀,他說:「之前啱啱落完雨,個地啲熱氣俾太陽蒸上嚟,黑哥同我嗰日開完另一組劇就趕過來,喺冇乜點瞓過嘅情況下,面對高溫,當時我一路講對白一路覺得怪怪哋,紅姐同黑哥好犀利,佢哋要諗一大段對白加動作戲,拍完之後佢哋就話見頭暈,原來個個人都有輕微中暑,不過大家好專業,當時一心諗住好做件事,加上有幕後嘅幫助,最終完成咗呢一場我幾滿意嘅場面。」

陳志健笑言紅姐為自己親手加血漿。(圖片來源:網上圖片)

 

分享: