「御用奸人」轉做保險 戴志偉:唔識擦鞋係蝕底

曾演《新紮師兄》張家明、《創世紀》許文坤等經典角色,被稱為無綫「御用奸人」的戴志偉,2011年離開效力20年的無綫後轉投保險業,創出了一番事業,現在已升至分區高級經理,有空便會為港台拍劇過戲癮。他1981年加入無綫藝員訓練班,與劉德華、梁家輝等同期,他的演技備受肯定,當年與梁朝偉合演《新紮師兄》的一場天台自殺戲,更成為藝訓班考試題目。可惜戴志偉其後所演的角色越來越無得發揮,最後因為感覺「不受尊重」而離開無綫,問到可有羨慕華仔、家輝?戴志偉說:「自己睇得好開,每個人際遇唔同,自己都有弱點,唔識叩門、唔識擦鞋打交道,係蝕底,但問心無愧。」他在大台最後一套演出的劇集是2011年的《天與地》。

戴志偉笑言年輕時無想過入娛樂圈:「一直覺得自己好醜,兜風耳點做?!我以前喺政府水務局做抄錶員,有日行街被星探發掘,第一部戲叫《老虎魚蝦蟹》,之後公司執咗,我就變雙失。好彩自己都有幾張刀,拎住結他去民歌餐廳唱歌,收入都唔錯。」

與劉德華同期 《新紮師兄》自殺戲成經典

他1981年加入無綫藝員訓練班,與影帝劉德華、梁家輝等同期,演出過許多令人印象難忘的奸角,例如《新紮師兄》的張家明、《鹿鼎記》的鄭克塽、《創世紀》的許文坤等。戴志偉說:「其實我初出道,拍《過山車》已經同黃日華、戚美珍一齊做主角。他對於自己當年在《新紮師兄》所演的張家明感到自豪,「記得一場我喺天台嘅自殺戲,同梁朝偉做對手,我一個人講六頁紙,兩take,第一take已ok,第二take係備用,由冷靜變失控,將一生對梁朝偉嘅唔滿意講晒出嚟,嗰場戲佢哋(藝訓班同學)拎嚟考試。」

「飯盒都冇」 盼港台高層改善前線條件

戴志偉早前在劇集《運輸背後》飾演運輸署助理署長,他並不介港台節目收視率偏低,他大讚幕後人員的付出,並希望高層改善工作條件:「做演藝事業嘅人唔係做義工,嚟到都要畀餐飯佢食,我覺得自己似外判清潔工人(偷笑),飯盒都冇,冇車接去拍攝場地,又唔夠化妝師,人工更加唔使講……而家香港做演員係好辛苦,我都要為同事打打氣。」

戴志偉現時有空便會為港台拍劇過戲癮。(網上圖片)
戴志偉曾在民歌餐廳表演自彈自唱賺錢。他的唱功十分了得。(網上圖片)
戴志偉與劉德華、梁家輝同期,演技備受肯定,可惜無法躋身一線行列。(網上圖片)
分享: