吳浩康被家人催婚 自曝對崔碧珈行外母政策

吳浩康(Deep)早前被指與擁有36G驕人身材的崔碧珈(Anita)秘密拍拖4個月,二人雖然齊齊否認有關傳聞,但被網民發現在各自社交平台低調放閃。Deep昨晚出席活動時,首次鬆口談到崔碧珈,更間接承認二人目前正在拍拖。Deep坦言爸爸為他的婚事而着緊,他說:「畢竟都係適婚年齡,爸爸見到家姐成家立室,都會想我有下一個階段,但感情同工作唔同,工作計劃可以有回報,唔同感情。」

「諗遠啲 先歡迎到新嘅屋企人」

Deep更表示自己已經見過崔碧珈的家長,他說:「見過佢媽咪,不過佢未見過我爸爸,未發展到呢個地步。」笑稱要先行外母政策,Deep說:「咁啱見到打咗個招呼啫!」

Deep更大讚崔碧嘉是好對象,並說:「無論遇到咩對象或任何人都要諗遠啲,先歡迎到有新嘅屋企人入嚟,無論邊個都係。」又指現階段工作為先,期待將來有新衝擊,現時唱歌也拍戲,好好為將來準備。

吳浩康日前推出新歌《天下烏鴉》。(圖片取自IG)
Deep4月初與近百位歌迷在大嶼山長沙泳灘舉行音樂會。(圖片取自IG)
Deep4月初與近百位歌迷在大嶼山長沙泳灘舉行音樂會。(圖片取自IG)
Deep表示自己已經見過崔碧珈的家長。(圖片取自IG)

 

 

分享: