【安心偷食】九巴廉署發文齊抽水 「車廂嚴禁偷食」

許志安與黃心穎在車廂偷食引起全城熱話,許志安更召開記招道歉。九巴及廉政公署的專頁齊齊發文抽水,分別表示不要「偷食(進食)」及「Cheat精Cheating斷到正」。

九巴專頁發文直指「偷食至係罪大惡極」,當然發文所指的偷食是在車廂進食,但亦暗示許志安與黃心穎在車廂「偷食」,發文又指「你知唔知道其實巴士上面都有Cam㗎!如果你喺車上偷偷哋食嘢一樣會被發現!到時被人瘋傳就唔好啦!另一半見到點算好呢」。發文亦有不少抽水標籤tag「偷食係唔啱㗎」、「車廂唔畀食嘢是常識吧」,更利用黃子華金句:「若要人不知,唔好太低B。」,又笑言「鯉魚門線呢期會睇緊啲」,「大家可以安心搭九巴」。

九巴專頁發文直指「偷食至係罪大惡極」。(九巴facebook圖片)

廉政公署的社交平台專頁「全城.全誠」亦發文抽水,暗指貪污與偷食一樣,即使保密功夫做足亦會有曝光的一天,「【Cheat精Cheating斷到正】咪以為保密功夫做到足就可以Cheating,數碼足跡、天眼到處都係,要搵貪污證據,其實唔難,邊有咁易走得甩⁉」發文亦有一系列的標籤tag,直言「要學識制服心魔同誘惑」,又籲人勿貪污,否則「貪念是一條大坑會坑掉人的哦」 、「貪心邊有得咁安心」 、「以為瞞天過海其實係你愚瞞」。

廉政公署的社交平台專頁「全城.全誠」亦發文抽水,暗指貪污與偷食一樣,即使保密功夫做足亦會有曝光的一天。(全城.全誠facebook圖片)

分享: