阿Sa再失落影后 毛舜筠:多一次機會一定得

毛舜筠(毛姐)日前出席香港電影金像獎頒獎典禮被讚保養得宜,造型打扮令她看來年輕了10歲,甚至有人將她認錯為現年37歲的胡定欣。現年59的毛姐昨日接受媒體,她笑言「似胡定欣就唔係後生10歲」,她指是髮型師、化妝師的功勞,又大讚服裝贊助商,十分識做。談到同屬英皇的蔡卓妍(阿Sa)失落影后寶座,上屆影后毛姐坦言自己有開解阿Sa,她大讚阿Sa是好用心的演員,只係《三夫》女主角曾美慧孜實在太勁,她說:「只要畀多一次機會Sa,繼續努力,一定得,千祈唔好放棄。」

「似胡定欣就唔止後生10歲」

同屬英皇的惠英紅和黃秋生都在金像獎中得獎,毛姐表示:「我哋英皇,唯一就係Sa得唔到奬,我哋大家係有啲失望,特別係老闆,但係我睇咗Sa嘅表現,我覺得佢係好用心嘅一個演員,而家只係《三夫》女主角實在太勁,所以只要畀多一次機會Sa,繼續努力,一定得,千祈唔好放棄。」

毛姐當晚有開解阿Sa,她說:「我話無論得與否,呢個係一個經歷,加上已經用心去做,如果唔得嘅時候,最緊要有下一次,總會得嘅,其實以往輸嘅時候,我自己都係咁諗,我就係最好嘅例子。」

毛姐出席活動為有特殊需要的兒童籌款。(圖片取自IG)
毛姐日前出席香港電影金像獎頒獎典禮被讚保養得宜。(圖片取自IG)
阿Sa在頒獎禮中失落影后寶座。(圖片取自IG)
分享: