楊千嬅珠海戶外巡唱 開騷前10分鐘始停雨

楊千嬅的《MY BEAUTIFUL LIVE楊千嬅世界巡迴演唱會》目前進行中,第一站日前在廣州順利舉行,第二站來到珠海,千嬅在台上坦言已經開始捨不得,她說:「突然好感動,雖然是第2場,點解好似好唔捨得咁,這件事對我來講好變態,但是我好開心,開心得來又有眼淚,是否因為年紀大呢?」

第二站已覺捨不得 自嘲年紀大

楊千嬅在珠海一個戶外體育場演出,當日下大雨並有雷暴警告,千嬅坦言對此十分擔心,幸好在開騷前十分鐘停雨,她說:「最驚係冒雨唱歌會有觸電危險,因為以前試過被咪電到手,又擔心台下觀眾淋濕身,知道停雨嗰刻心情真係開心到大叫咗出嚟。」

千嬅自言歷年的歌曲記載着人生不同階段的自己,多年來經歷不少痛苦失敗,有時突然會唱到哭,穿越了24年,希望未來繼續得到大家的陪伴。

首次室外演唱勁驚 「其實我好脆弱」

千嬅還提到「上次喺廣州做真係好驚,因為我第一次做室外演唱,仲要咁多人,某程度我個膽好大,心口掛個勇字,其實我好脆弱,你哋唔信呀?咁我係咪要繼續唱?定要繼續喊?」她坦言希望能把演唱會的畫面印在腦海,「希望我唔好咁快有腦退化就可以一直記落去」。

楊千嬅坦言世界巡迴演唱會來到第二站珠海,已開始捨不得。(圖片取自IG)
千嬅希望未來繼續得到大家的陪伴。(圖片取自IG)
千嬅在演唱會上感觸落淚。(圖片取自IG)
千嬅自言歌曲記載着人生不同階段的自己。(圖片取自IG)

 

分享: