古巨基紅館開騷狂放閃 容祖兒笑言:好眼冤

古巨基(基仔)昨晚起在紅館舉行一連四場的《我們世界巡迴演唱會》Part 2,唱出多首觀眾熟悉的作品包括《必殺技》、《傷追人》等,成為城中熱話。趁著與太太Lorraine(陳英雪)結婚踏入5周年,基仔在台上不斷放閃冧老婆。Lorraine擔任基仔的助手多年,基仔特意唱出《愛的解釋》傳情,他說:「呢首係我初出道時,佢帶我去電台宣傳第一首歌。」

與Lorraine結婚5周年 分享相處之道

演唱會上播出基仔的錄音:「有人問我同古太成日一齊工作成日見,婚姻點Handle?但其實就算唔係一齊做嘢嘅婚姻好易Handle咩?家家有本難唸的經,我同古太係廿幾年嘅工作伙伴,大家一路為事業夢想衝,反而結婚後呢幾年我哋追番時間,體驗吓以前錯過咗嘅嘢。至於婚姻點樣保鮮?我會久唔久攞番結婚相嚟睇,睇吓我哋當時嘅開心樣,再諗吓大家點樣由情侶變成親人。」

古巨基請來同屬英皇的容祖兒(Joey)上台合唱《狂串樂基兒》,Joey說:「話說上次Part 1我睇完,簡直覺得係洋溢愛意,你完全唔錯失任何機會對古太表達愛意,究竟你想點呢?」她又說:「我哋一班朋友同基仔有時食飯聚會,大家包括我都有個問號, 點解一餐飯入面你同古太孖公仔咁,隻手一定要不停摸住古太,真係好眼冤好火滾。」基仔尷尬地答:「佢有駝背,我幫佢搓番直。」

基仔請來同屬英皇的好友Joey上台合唱《狂串樂基兒》。(圖片取自IG)
基仔與Joey合唱《狂串樂基兒》。(圖片取自IG)
Joey坦言與基仔認識足足13年,昨晚有點感動。(圖片取自IG)
基仔不斷在台上放閃。(圖片取自IG)
基仔在演唱會上大唱歷年的金曲。(圖片取自IG)
基仔在演唱會上大唱歷年的金曲。(圖片取自IG)
基仔在演唱會上大唱歷年的金曲。(圖片取自IG)
基仔在演唱會上大唱歷年的金曲。(圖片取自IG)
分享: