林子善疑嫌300蚊人情少 唱衰來賓被指小器

現年36歲的林子善前年與女友董佩欣(Kary)結婚,去年在將軍澳筵開63圍補擺喜酒,不少圈中好友均有出席恭賀。近日有媒體引述知情人士爆料,指當晚有來賓只比300元人情,事後林子善在社交網留言揶揄該名友人,有指二人因此而反目。消息引起熱議,不少網民指林子善十分小器,有人留言指他「又要扮唔care又要句句有骨」,有人又指正常人都知道300元人情不夠,對方可能是經濟上有困難,指林子善不該如此公開取笑對方。也有人對林子善的憤怒表示理解,「三百都俾得出,知唔知醜呀」。

網民:扮唔care但句句有骨

據指,林子善在該友人社交網留言「你比我份人情令我永世難忘」,向對方反映人情只有300元太少,友人回應指不記得給了多少錢,並指如果入少左,會親自向對方賠罪。林子喜表示:「我諗你一定係放錯左錢,人情$300其實我都冇乜所謂,你冇錢我都冇所謂,我請你食飯都冇所謂好閒,最搞笑係你Facebook inbox我話想參與我嘅婚禮,最後一個咁嘅結果,嗰下我同我老婆真係笑咗出嚟。」、「其實人情冇分多與少,做朋友手緊請你都冇所謂,講聲就得,上網搵吓去酒店人情基本比幾多。」留言可見該名友人不斷向林子善認錯,承認畀少咗是自己的錯。

林子善否認反面:結婚唔理賺定蝕

林子善接受傳媒查詢時,指對方並非他的朋友,而是他朋友的朋友,並強調沒有因為人情多少而反面,「我講笑啫,叫佢delete咗個post啦。」他又指本來打算擺50圍,因為有好多朋友都說會來,所以加到63圍,豪花7位數搞婚禮。子善坦言:「除咗無綫返工外,我出面都有『跑山』搵錢,慳啲使囉,結婚我唔會理賺定蝕。」

林子善前年娶女友董佩欣,去年筵開63圍補擺喜酒。近日他被指因為人情太少,在網上唱衰來賓。(網上圖片)

林子善與老婆董佩欣。(圖片取自IG)
分享: