公關揭甄子丹離場內幕 有人曾講:求其畀個位佢

甄子丹一家三口日前出席amfAR慈善舞會,表示因為遭受歧視憤而離場,同枱的呂良偉也表明與好兄弟共同進退一起離場。甄子丹老婆汪詩詩甚至發文標註「中國人不是東亞病夫」,事件上升至種族層面。負責為舞會籌款以及傳媒管理的天機公關負責人鄭詩韻接受媒體訪問時,表示「有人同我哋講,佢(甄子丹)枱位置好唔靚」,鄭詩韻承認製作單位Andy Boose安排不周,「當時冇人知道佢哋係星,當咗佢係一個普通賓客,當然我唔知點解發生咁嘅事,但係聽嘉玲姐咁講,去呢啲活動係要自己照顧自己喇,後尾冇人帶佢哋入去,可能座位唔靚,冇人幫佢哋協調,詩詩就聽到Mr. Boose講咗一句『求其畀個位佢』。」

不滿座位安排 何超瓊曾出面緩和

鄭詩韻又指大會榮譽主席何超瓊當時有緩和事件,親自致電已離場的子丹,邀請他們回來坐同一枱,但子丹回覆:「『多謝你,大家姐,你好客氣,不過唔好,因為我對於今日嘅安排係唔高興,我多謝你好意。』」

被問到當晚甄子丹一家被安排在甚麼位置?鄭詩韻表示甄子丹是頭15張枱的其中一圍,比起正中位置較側,若由她安排座位,子丹會坐在中間位置。至於種族歧視一說,鄭詩韻便指不覺得amfAR不尊重華人,亦叫amfAR向子丹致歉。

甄子丹一家被指因為不滿座位安排而離場。(圖片來源:amfAR官網)
何超瓊當時曾致電甄子丹緩和事件。(圖片來源:amfAR官網)
分享: