麥明詩最憎人食煙:想追我一定要戒煙先

麥明詩(Louisa)昨日出席「戒煙大贏家」無煙社區計劃頒獎禮,她坦言自己有哮喘,從來未試過吸煙,所以未試過戒煙。她表示自己特別抗拒有吸煙習慣的異性,強調自己的擇偶條件首要是不吸煙,她還分享說:「曾經有一個想追我嘅男仔,我要求佢一定要戒煙先,最終佢戒煙成功,之後都接受咗佢。」

「吸煙比賭錢飲酒更嚴重」

麥明詩表示:「在外國讀書時候很多引誘,但係父母從小良好教育,好多小朋友覺得食煙好型,但係我諗法係相反,如果我隨波逐流就唔型,其他人食我偏偏唔食。」她指自己特別抗拒有吸煙習慣的異性,她說:「比賭錢飲酒更嚴重,建議女性朋友,如果個男仔氹你話一齊咗之後唔食,千祈唔好相信,因為佢未同你一齊之前已經係最大決心,咁都戒唔到,一齊之後更加唔會戒到。」

Louisa還透露早前與哥哥夾份送電腦給爸爸作生日禮物,她笑言:「爸爸快退休,我想捧他做KOL,在網上教化學知識,殺出一條血路!媽媽在網上分享已累積了知名度,我打算跟他們簽約,做老闆出糧給他們。」

麥明詩強調自己的擇偶條件首要是不吸煙。(圖片取自IG)
分享: