謝安琪耳機故障致表演失準 張繼聰讚專業

謝安琪(Kay)昨晚適逢42歲生日前夕在KKBOX香港風雲榜表演,演出期間不幸遇上耳機失靈,她其後透露自己當時感到徬徨,返回後台時更忍不住落淚。張繼聰今日在Instagram發文祝老婆生日快樂,並大讚Kay即使面對意外的發生,「你仍然奮力完成整個演出,冇放棄任何一粒音任何一個小節,The Show Must Go On,係一個表演者嘅專業」。張繼聰全力維護妻子,被不少網民大讚體貼。

Kay在KKBOX香港風雲榜表演期間遇上耳機失靈導致失準,張繼聰大讚在惡劣情況下繼續表演是一種專業。(圖片取自IG)

張繼聰發文寫道:
知道你為咗依個演出,花咗無數嘅心血去練習再練習,希望做到最好。
可惜Live performance 永遠有無限嘅意外會發生,而今次發生嘅意外,係歌手最恐懼嘅一種…耳機失靈
Sub stage 冇台mon ,整個表演聽唔到自己把聲,聽唔到音樂聲…只係聽到耳機嘅沙沙聲,同觀眾席音響彈番嚟嘅聲(會展咁大,我估回音會唔止一浸),現場有幾千名觀眾,唔喺現場嘅更有數唔到咁多嘅觀眾….
依種情境,任何表演者發夢遇到都保証會嚇醒,不過,可惜,今次單嘢係堅嘅。依二十分鐘嘅痛苦,恐懼,㥬惶,心血白費…對表演者嚟講,係災難。
災難係堅嘅,不過我認為你更堅??
咁嘅環境,你仍然奮力完成整個演出,冇放棄任何一粒音任何一個小節
The Show Must Go On ,係一個表演者嘅專業。個騷你唔止go on ,仲充滿勇氣咁完成??同埋,如果唔係經過咁充足嘅練習,一定冇可能做到,一定冇可能。大佬,聽唔到聲照唱,部琴冇聲照彈,聽唔到音樂數唔到拍子照入歌喎,真係靠心中有劍???
長篇大論,唔係因為我地嘅關係,而係大家都係表演者,所以好明白你經歷咗咩。意外冇人想嘅,不過你好叻?? 有d叻係要係危困當中先會展現出嚟。同埋今次之後,可以更加膽生毛啦,上到台冇嘢驚㗎啦???
經歷係用嚟強化自己嘅 。312,個宇宙預早送依份禮物俾你,等你再Level Up ,算係咁啦☺️
最後最後
Happy Birthday My Lady 313 ❤️

分享: