【背棄了理想】應昌佑養家求安穩 寧做打工仔 

2004年出道、曾獲得叱咤我最喜愛男新人銅獎的歌手應昌佑(Charles),近日接受媒體訪問時,表示自己為了太太和一對子女,寧願放棄做歌手的夢想,重返辦公室做上班族,但求有安穩的生活。新一年他和朋友正積極籌備一個類似叫外賣的購物app,並得到不少圈中好友幫忙,他坦言自己入行後才識到這麼多朋友,「所以唔可以話我冇得着,不過我一定唔會辭咗正職搞生意,因為要保障屋企人,穩穩陣陣最緊要。」

曾獲叱咤男新人銅獎 與衛蘭合唱情歌

現年39歲的應昌佑2004年簽約黎明的唱片公司A Music,曾與當時同公司的衛蘭合唱情歌,無奈際遇遠遠比不上拍檔,2014年十年合約期滿,Charles始終沒有一首代表作,加上當時大仔Travis出世,開始令他有新的想法,「作為一個男人,有責任為將來打算,希望畀到穩定生活屋企人,加上嗰時同唱片公司合約差唔多完,自己就諗係咪要離開?而且我又唔係未返過工,咁啱有朋友開公司,咁我就將娛樂圈嘅嘢擺埋一邊先。」

2016年獲第二次機會 派歌感動到喊

離開樂壇兩年後,應昌佑2016年再得到機會唱新歌《過來人》,他說:「舊公司同事問我有冇興趣簽新公司,嗰時好開心,滿懷希望,因為唔係每個人有第二個機會」Charles憶述:「我記得我去商台派歌,我係感動到喊,因為再聽到自己把聲,奈何再錄第二首時,唱片公司出咗問題,自己又要離開,件事好峰迴路轉,的確係好大打擊。」

應昌佑為了養家,寧願做打工仔過安穩的生活。(網上圖片)
應昌佑與衛蘭曾合唱不少情歌。(網上圖片)
應昌佑一家大細。(圖片取自IG)
分享: