劉思希讀EMBA獲讚 林作斥「高學歷」標籤太濫

選美出身的的無綫藝人劉思希,近日透露自己正在修讀科大EMBA課程,據指有關課程在全球EMBA課程,連續三年排首位,不少網民欣賞她能兼顧讀書和工作,有不少報道讚劉思希高學歷、學霸。林作對此顯然不同意,他在Instagram轉載有關報道,坦言「我實在無法接受依家咩都叫高學歷嘅標題」,指這樣的角度反映香港人對娛樂圈的歧視,以及對學歷的過度崇拜。

林作發文寫道:
「我實在無法接受依家咩都叫高學歷嘅標題。雷丁大學測量學系係全英第一,咁又係咪叫學霸學歷?!科大其實國際上有幾多人識?呢個學科喺牛津劍橋有得讀嗎?呢個學科其實有幾多外國人想讀?唔係貶低該學歷。只係當年我見到話劉青雲太太南加大工程學碩士畢業就係超高學歷,真心笑咗 – 你走入牛津、劍橋,望下依家嘅校園有幾多人,甚至幾多華人,你就明 – 咩鬼高學歷啊,通街都係。走黎做娛樂圈又有咩奇?! 你去睇下英美娛樂圈,高學歷遍地開花 – 我女神,喺 Crazy Rich Asians 大放異彩嘅 Gemma Chan, 黎緊過兩日喺 Captain Marvels 將再出現,佢牛津大學法律系畢業,有國外媒體會喺呢個位著墨嗎?! 講到尾都係香港人對娛樂圈嘅歧視,同埋對學歷嘅過度崇拜。醒吧!Forget about stereotypes.」

牛津大學畢業 不滿港人對學歷過度崇拜

其中他提到「科大其實國際上有幾多人識?」又留言反問「科大全球排第幾話?」引起網上一片譁然,有網民質疑牛津大學畢業的他看不起科大,言論並不恰當;有網民指林作一方面在IG profile寫自己『可能係娛樂圈學歷最高嘅人』,同時卻叫人不要過度崇拜學歷,斥責他自相矛盾。

「科大全球排第幾話?」 被指看不起科大

林作不斷與網民激烈爭論,他及後又發文再申自己的觀點:「今時今日連牛津劍橋都不能算學霸,咁所以有咩學歷高低之分好比呢?斗膽講句,下一輩娛樂圈人,超過半數會係『高材生』、『學霸』。到時你就明白,林作的高瞻遠矚了。」

林作轉載有關劉思希讀科大EMBA課程的報道,表達自己的看法。(圖片取自IG)
林作在IG profile自稱「可能係娛樂圈學歷最高嘅人」。(網頁截圖)

 

分享: