10億千金成無綫親生女 黃文意:我只係窮藝人

在《3日2夜》中展現豐滿身材而備受關注的黃文意(Mandy),近日由無綫合約藝員轉為親生女,正式晉身成為無綫合約藝人。Mandy接受媒體訪問時透露合約為期5年,她又對價錢方面表示好滿意,笑言是「開心價」。被問到調動的原因,她自言對此不清楚,笑言因為太開心,所以未有過問太多。有報道指Mandy的父親在內地經營LED生意,公司發展得甚有規模兼上市,身家保守估計逾10億。

被問到成為親生女的發展方向,黃文意表示一切交由公司安排。「因為有拍過劇亦都有做過主持,所以唔係太擔心,覺得都可以應付到。唯一的隱憂就係個樣生得太細,所以有留長頭髮,希望適合成熟嘅角色。」

「我好怕啲人assume啲錢係我既」

對於「10億千金」呢個稱號,黃文意表示感到好有壓力,「我好怕啲人assume啲錢係我既,我只係一個窮女藝人同學生,手上擁有嘅資金都拎咗去做生意,自己都好好奇到底10億係點計出嚟。同埋其實盤生意唔止我爸爸,仲有其他親戚架。」

黃文意去年被爆與相差23歲的唐文龍譜出拍拖,被指是「父女戀」。Mandy曾被網友指責借男方上位,唐文龍發長文為女友護航,「唔好搞佢,要搞搞我」,當時引起熱議。

黃文意已轉為無綫的親生女。(圖片取自IG)
黃文意與唐文龍相戀。(網上圖片)
黃文意是童星出身。(圖片取自IG)
黃文意在《3日2夜》中的表現備受關注。(圖片取自IG)

分享: